منتديات الجيل
السلام عليكم زائرنا الكريم ، لكي تتمكن من معاينة جميع

مواضيع المنتدي يجب عليك تسجيل الدخول أو التسجيل في

المنتدي اذا لم تكن لديك عضوية ،،،،

مشكلة التدريب الى اين ؟؟؟؟؟؟؟؟؟؟؟؟؟؟؟

استعرض الموضوع السابق استعرض الموضوع التالي اذهب الى الأسفل

عاجل مشكلة التدريب الى اين ؟؟؟؟؟؟؟؟؟؟؟؟؟؟؟

مُساهمة من طرف الشيخ حمدان في السبت يونيو 20, 2009 8:36 pm

اولا أنا عارف انى كلامى ممكن مايعجبشى بعض الناس ولو لقيت كلامى ده هيحبطك انساه فورا وعارف ان كلامى مش مترتب أصل انا طول عمرى فاشل فى اللغة العربية وخاصة النحو بس ياريت الناس تفهم اللى أنا عاوز اقوله

وبعد ......................
مش عارف الناس عاملة مشكلة للتدريب ليه كل يوم واحد يتصل بيا ويكون عاوز يعيطلى فى التليفون انا عاوز اروح تدريب انا مخنوق انا مضايق ويكون
عاوز ينتحر انا لو مارحتش تدريب الأجازة دى هاولع فى نفسى اقوله ياساتر يارب وصلت للدرجة دى فى ايه ياعم هتولع فى نفسك ليه
انا عن نفسى مش شايف فيها مشكله لأنها والله العظيم شوية معلومات بسيطة هتعرفها دلوقتى او بعدين المهم دلوقتى اهتم بدوراتك واقرا فى الكتب انا عن نفسى بقعد اقرأ كتاب الخرسانة للدكتور أحمد طهوية وكتاب الدكتور محمود امام ببجد الكتب دى كتب ممتازة وهتفيدنا وكتاب جميل جدا للدكتور ياسر اليثى جامعة عين شمش كتاب اكتر من ممتاز فيه معلومات جيدة وبالعربى مش لازم تقراه كله اقرأ الملاحظات اللى فيه هيا نفسها اللى بتتنفذ فى الطبيعة اما طرق التصميم اللى احنا اتهرينا فيها شيتات السنتين اللى فاتوا ماتقرهاش لانك اكيد خدت فكرة عنها بس لازم تبق عارفها لان دلوقتى البرامج اللى هتاخد فيها دورات هيا اللى هطلعلك فى الاخر مساحة الحديد اما رص الحديد هو نفس الكلام اللى خده


وبعدين تعالى انت دلوقتى لو حد طلب منك رسمة ارض كذا فى كذا مش هتعرف تروح تقسها بالشريط وتشوف ابعادها وبعدين ترسمها
رسمة معمارى ورسمة معمارى متكرر وبعد كدة ترسم رسمة انشائية توضح فيها العمدان والكمر اللى شايل التانى وأظن ده أول شيت ادكتور احمد يوسف اداهولنا فى تانية مدنى اظن لو واحد خرج من تالتة مدنى لازم يبقى عارف كل ده وواجهة البيت ومافيهاش مشكلهلان هناك الالاف من الواجهات جاهزة محتاجة منك انك تلاقى واحدة منطبقة مع الرسمة الانشائية انا بكلم عن البيوت العادية فى القرى وعادة مابيبقاش فيها فن اساسا بتبقى عادية وماتعرفشى ترسم لوحة للاساسات وخدها السنادى ولوحة تفصيلية للحديد والشروط اللى نت تحددها طبقا للمواصفات والله العظيم ياجماعة احنا خدنا كل ده فى الكلية


انا رحت بيت كانوا بيسلحوا السقف وطلعت انا وواحد صاحبى مش معانا فى الكلية على السقف وشفت التسليح والله العظيم نفس الكلام اللى خدنا فى رص الحديد هو اللى موجود فعلا وكنت فاهم كل حاجة موجودة المهم صاحبى بيهزر مع المقاول وبيقوله ماتاخد أحمد معاك علمه الشغل لقيته بيقولى انت فى سنة كام قلتله فى تالتة مدنى رد عليا قالى انت اتأخرت كتير قلتله ازاى يعنى قالى كنت لازم تيجى من اولى مدنى قلتله ليه انت محسسنى انها كيمياء ولا فيزياء ايه ياعمنا وبعدين بتاع اولى مدنى ولا تانية مدنى يعرف ايه اساسا زيه زي العمال اللى معاك ولا كمان زيه زيك انت راجل منفذ وحفظت الشغلانة بتجيلك رسمة بتنفذها وخلاص ويوم مابتفكر بتنيل الدنيا قالى ازاى دا انا برسم بيوت احسن من المهندسين قلتله هيا الرسمه فيها حاجة اى حد بيرسم وبعدين الحمار لو مشى فى الطريق بيحفظه ونت شفت اكتر من رسمه اكيد يعنى حفظهم انت تعرف ليه حاطط الحديد ليه كدة ولا رصه ليه كدة ولا بتمد السيخ للربع او الخمس او السبع وليه بتقسط الحديد ف المكان ده ليه ومابتقسطهوش فى المكان ده ليه بالذات وبعدين انتم بدورا على اللى يريحكم وخلاص يعنى تعملوا الخلطة عاملة زى المهلبية علشان تبقى سهلة معاكم وانتم مش عارفين انها بتنزل قوتها للنصف تقريبا اهم حاجة تبقوا مرتاحين واه لو حصل تعشيش تحاولوا تخبوه وزعقت لصاحبى اللى قال كدة خده يدرب معاك دا انا عارف معلومات اكتر منك ممكن يكون ناقصنى الجرأة على الرد بس اكتسبتها الحمد لله بعد الموقف ده والله العظيم ياجماعة المقاول ده عامل سقوط كمرة متر وعشرين فى بحر كمرة 3.5متر طلع بالعمود ب5 متر وبرضه مش قادر يطلع لمنسوب سقف الدور الارضى فوق البدروم لو حضراتكم واخدين بالكم والعمود بادىء من منسوب الارض وسقف البدروم فوق منسوب الارض ب2 متر تقريبا فحب يطلع بالعمود لمنسوب سقف الدور الارضى فطلع بكمرة متر وعشرين واكتر كمان مع انما كان ممكن يعمل كمرة تمسك العمود من المنتصف وخلاص وتتحل المشكلة بس نعمل ايه وفى وتسليح السلم مش عاملين المقص السيخ طالع لغاية الصدفة ونايم عليها مباشرة مع انما الصح يستمر مباشرة لغاية قبل سمك الصدفة ب 2.5سم تقريبا ونجيب سيخ تانى يقابله وبكده يعمل المقص زى ماانتم عارفين


صدقونى ياجماعة الحكاية ابسط بكتير الناس بس اللى مزوداها عن الحد احنا كنا بنقول السنتين اللى فاتوا ان اللى فى الموقع غير اللى بندرسه بس بعد تالتة مدنى وكم المعلومات اللى خدناها من الدكتور امد عسكر والدكتور احمد أممين والدكتور عادل جبر والدكتور محمود المليجى وخاصة الدكتور احمد طهوية اللى شرحنا اخطاء التنفيذ فى المواقع واللى فعلا بنلاقيها عرفنا ان اللى فى الموقع هو نفس اللى بناخده
الحاجة الوحيدة المختلفة ان البرامج هيا اللى بتحسبلك العزوم ومساحة الحديد والرسم عاد بالاوتوكاد وده اللى شغال به المكاتب الهندسية دلوقتى

أخيرا
انا مش بمنع حد انه يدرب او جاله فرصة تدريب روح ادرب اكيد هتستفاد بس روح مع مهندس مش مقاول او مهندس مقاول وبقول للى ماراحشى ماتزعلشى نفسك اوى كدة كلها حاجات بسيطة ااهتم بدوراتك وصدقونى ياجماعة طلعوا الكتب اللى عندكم صدقونى كتب ممتازة كتاب الخرسانة للدكتور أحمد طهوية والدكتور محمود امام وكتاب سلوكيات هندسية وكتاب القانون وكتاب الكميات بالمختصر المفيد كل الكتب اللى بالعربى عندك اقرأ فيها ماتقرفشى نفسك بالانجليزى وصدقونى لو قريتم بغرض المعرفة مش المذاكرة هتقرأ باستمتاع ده لو عاوز تبقى مهندس شاطر وماتقفشى قدامك اى مشكلة
وممكن يكون حد له رأى تانى
انا غرضى الوحيد انى اشيل الزعل من نفوس اصدقائى صدقونى ياجماعة كلنا هنبقى مهندسين شاطرين باذن الله مش علشان واحد زميلك راح ادرب ونت ماعرفتش تزعل نفسك خد الامور ببساطة كل الفارق بينك وبينه انه عرف قبلك ونت باذن الله هتعرفها والقصة اللى حكتها ليكم دى بينى وبين المقاول اليوم الوحيد اللى رحته طبعا البيت ماكانشى فيه مهندس استشارى علشان كدة المقاولين عندنا بيألفوا والله تأليف

أنا عارف ان النا س خارجة من الدراسة واخدة على التعب والارق والمذاكرة فصعبان عليه يلاقى نفسه مش مضغوط فيحب يقرف نفسه بمشكله هيا أصلا مش مشكله وبعدين يأأخى الاجازة قدامك لسه بأكملها استريح شوية وبعدين دور او اى بيت فى بلدك بيتبنى روح اتفرج وصدقنى هتفهم من نفسك كل حاجة بدون الحاجة للمهندس كمان او مقاول ومش هتسأل الا فى حاجات بسيطة جدا انا عن نفسى عيلتى كلها مهندسين مدنى ومعمارى وعلشان ماكونشى كداب تلاتة مهندسين مدنى و وواحد معمارى غير المهندس المدنى صاحب عمى قالى المكتب تحت أمرك تعالى فى اى وقت ومارحتش لغاية دلوقتى ومارحتش مع اى حد فيهم
أهم حاجة ماتزعلوش نفسكم انتم لسة فى عز شبابكم انا مش قصدى احبط معنوياتكم ولتانى مرة لو لقيت كلامى ده أحبطك انساه فورا
والله تعالى أعلم وصلى الله على سيدنا محمد وعلى اله وصحبه وسلم

الشيخ حمدان
عضو جديد
عضو جديد

عدد الرسائل : 27
العمر : 28
البلد : الامارات
الهوايات : الرسم
العمل : أمير دولة الامارات
مستوي النشاط في المنتدي : 78
تاريخ التسجيل : 20/06/2009

الرجوع الى أعلى الصفحة اذهب الى الأسفل

عاجل رد: مشكلة التدريب الى اين ؟؟؟؟؟؟؟؟؟؟؟؟؟؟؟

مُساهمة من طرف Diaa في السبت يونيو 20, 2009 10:56 pm

ربنا يجزيك كل خير علي كل ما كتبت وانا موافقك تماماً في كل ما تحاول ان توضح لزملائنا

_________________

Diaa
Site Admin
Site Admin

عدد الرسائل : 712
العمر : 28
البلد : بيتنا
الهوايات : قراءة الشعر - مطالعة اخبار التكنولوجيا
العمل : بدور علي شغل
مستوي النشاط في المنتدي : 955
تاريخ التسجيل : 03/03/2007

http://geel.frbb.net

الرجوع الى أعلى الصفحة اذهب الى الأسفل

عاجل رد: مشكلة التدريب الى اين ؟؟؟؟؟؟؟؟؟؟؟؟؟؟؟

مُساهمة من طرف adawy_2050 في السبت يونيو 20, 2009 11:54 pm

الله وانا بقرا الموضوع فاكر ان ضياء الى كاتبه قولت ازاى يعنى الراى اتغير المهم عرفت ان العضو الجديد   هو الى عامله فى تاييد صريح لحمله خليك بالبيت ولكنه اضاف على شعار الحمله خليك فى البيت عشان ما تتلخبطش والدور باه على ضياء انه يحددلنا هانعمل ايه فى الاجازه على اعتبار هو المنسق العام لمدنى فنطلب منه عمل جداول لكيفيه استغلال الوقت فى الاجازه انا عن نفسى متابع الانتخابات الايرانيهhttp://www.youtube.com/watch?v=bbdEf0QRsLMادخل بس امسك نفسك وانت بتتفرج ...لازم تكونمسجل فى اليوتيوبوبعمل حاجه تانيه  بعلم اختى فرنساوى هى داخله  اولى ثانوى وبتعلم برده   والله الفرنساوى ده موز اوىوبعمل حاجه تالته باتك اوى على الانجليزى بتاعى من خلال اوديو بوكسس وبرونانسيشن  تظبط اللغهاخر حاجه بعملها بفتى جامد على الناس الى معانا فى البلد الى فى هندسه مدنيه الى بيستشارونى فى التدريب  ومش عارف بيبقوا مبسوطين من الكلام الى بقولهولهموساعات بحاول اقلب فى شروحات البرامج الهندسيهhttp://www.youtube.com/watch?v=wywaK9OytCQhttp://www.youtube.com/watch?v=wywaK9OytCQدا منظر واحد فى مظاهرهhttp://tehrandaily.files.wordpress.com/2009/06/iranian_protest_election_results_25.jpg

_________________
إذا لم يوافق الواقعُ النظريةَ، غيِّر الواقع............كلما اقتربت القوانين من الواقع أصبحت غير ثابتة، وكلما اقتربت من الثبات أصبحت غير واقعية..........من لم يخطئ، لم يجرب شيئاً جديداً........الجنون هو أن تفعل الشيء مرةً بعد مرةٍ وتتوقع نتيجةً مختلفةً......الشيئان الذان ليس لهما حدود، الكون و غباء الإنسان.......اينشتاين

adawy_2050
مشرف عام
مشرف عام

عدد الرسائل : 355
العمر : 28
البلد : مصر الدقهليه طلخا العرب الشارع العمومى بجوار الشكمه
الهوايات : الكلام على الفاضى والمليان
العمل : لسه ما قررتش
مستوي النشاط في المنتدي : 706
تاريخ التسجيل : 02/05/2008

http://www.saveegyptfront.org

الرجوع الى أعلى الصفحة اذهب الى الأسفل

عاجل رد: مشكلة التدريب الى اين ؟؟؟؟؟؟؟؟؟؟؟؟؟؟؟

مُساهمة من طرف adawy_2050 في الأحد يونيو 21, 2009 12:04 am

هو امير الامارات معانا فى الدفعه والله بقالنا ضهر فى االامارات .............على فكره فى مشروعات الوقتى بدات فى السعوديه والامارات بمليارات فى محاوله للتغلب على الازمه الاقتصاديه وانعاش اقتصاديات دول الخليج وعلىفكره الدفعه الى قبلنا ودفعتنااكتر المستفيدين من المشروعاااااااااات دى 

_________________
إذا لم يوافق الواقعُ النظريةَ، غيِّر الواقع............كلما اقتربت القوانين من الواقع أصبحت غير ثابتة، وكلما اقتربت من الثبات أصبحت غير واقعية..........من لم يخطئ، لم يجرب شيئاً جديداً........الجنون هو أن تفعل الشيء مرةً بعد مرةٍ وتتوقع نتيجةً مختلفةً......الشيئان الذان ليس لهما حدود، الكون و غباء الإنسان.......اينشتاين

adawy_2050
مشرف عام
مشرف عام

عدد الرسائل : 355
العمر : 28
البلد : مصر الدقهليه طلخا العرب الشارع العمومى بجوار الشكمه
الهوايات : الكلام على الفاضى والمليان
العمل : لسه ما قررتش
مستوي النشاط في المنتدي : 706
تاريخ التسجيل : 02/05/2008

http://www.saveegyptfront.org

الرجوع الى أعلى الصفحة اذهب الى الأسفل

عاجل رد: مشكلة التدريب الى اين ؟؟؟؟؟؟؟؟؟؟؟؟؟؟؟

مُساهمة من طرف eng_louda في الأحد يونيو 21, 2009 11:23 am

انا موافقة جدا على الكلام اللى اتقال ده
ويمكن هو دا السبب اصلا من المنتدى بتاع التنفيذ ودا كان سبب اقراتحى للفكرة دى من البداية
ان مش لازم الواحد يعد يلف عالمواقع
كلها حجات بسيطة ممكن يفهمها من الصور
على فكرة انا سالت بابا (مهندس كبير) انت كنت بتتدرب فى الأجازة
قالى انا كنت بشتغل فى دمياط عشان اكون نفسى مع اخويا ومكنتش فاضى للتدريب ده وكلها حجات سهلة بنعرفها بالأيام
ودلوقتى هو مهندس كبير اد الدنيا
يعنى التدريب دا مش هو اللى بيعمل المهندس
هو بس مجرد تهيأة نفسية للواحد عشان يعرف ازاى هيقدر يتعامل مع الشغل لما يكون مسوول عنه
مجرد نظرة عن قرب

eng_louda
دفعة 2010
دفعة 2010

عدد الرسائل : 163
العمر : 27
البلد : أول بلد على إيدك الشمال
الهوايات : اللعب مع أخويا الصغير نور
العمل : مهندس على ما تفرج
مستوي النشاط في المنتدي : 296
تاريخ التسجيل : 11/11/2008

http://www.way2alla.com

الرجوع الى أعلى الصفحة اذهب الى الأسفل

عاجل رد: مشكلة التدريب الى اين ؟؟؟؟؟؟؟؟؟؟؟؟؟؟؟

مُساهمة من طرف الشيخ حمدان في الإثنين يونيو 22, 2009 10:53 am

ايوة ياعدوى امير الامارات معاكم فى الدفعة وليك ضهر باذن الله خلص انت مذاكرة الفرنساوى اللى ماكنتش بكره فى حياتى غيره ومالكشى دعوة
ياعم دا كل سنة ينزل ناس من بلدنابيشتغلوا فى السعودية والامارات عاوزين ياخدونا معاهم بيدوروا علينا ياشباب والله شفتم قيمة المهندس المدنى هما اللى بيجوا يدوروا علينا وبيبقى معاهم العقد ولما يعرفوا اننا لسة فى الكلية يزعلوا اوى ويقوللنا انتم هتخلصوا امتى يابنى انت وهو وعلى فكرة ياجماعة مهندسين المساحة مطلوبين كتير فى السعودية والامارات لان الارض هناك كلها جبال ومتعرجة وانا عن نفسى هأخد مشروع مساحة واحاول افتكر اللى خده
والشركات اللى بتتعاقد معاك بتعمل شرط جزائى عليك وبتاخد جزء من المرتب تدهولك فى نهاية العقد علشان تضمن انك ماتسيبهاش وتمشى علشان تعرفوا هما اللى بيمسكوا فينا هناك ماتبصوش لقيمة المهندس هنا فى مصر هيا حلوة وكل حاجة بس برة المهندس ده حاجة تانية عندهم
انا خالى مهندس كهرباء كان متعاقد معاهم عشر سنين سنة 1990 وقعد سبع سنين وماقدرشى يكمل قالوله لو مشيت مش هتاخد العشرين الف جنيه علشان مايسوبهمشى لكن هو سابهم
والله العظيم واحد فضل يدور على مهندس مدنى ومهندس ميكانيكا طول الفترة اللى نزلها أجازة
وكل زمايلة اللى من البلد اللى اتخرجوا شغالين برة حتى اللى اتخرجوا السنة اللى فاتت فما حدش يشيل هم خالص
المهم خلص ياعدوى انت بس ومالكشى دعوة باذن الله هنشتغل كلنا

الشيخ حمدان
عضو جديد
عضو جديد

عدد الرسائل : 27
العمر : 28
البلد : الامارات
الهوايات : الرسم
العمل : أمير دولة الامارات
مستوي النشاط في المنتدي : 78
تاريخ التسجيل : 20/06/2009

الرجوع الى أعلى الصفحة اذهب الى الأسفل

عاجل رد: مشكلة التدريب الى اين ؟؟؟؟؟؟؟؟؟؟؟؟؟؟؟

مُساهمة من طرف adawy_2050 في الإثنين يونيو 22, 2009 4:28 pm

انا من خلال قرايتى عن وظائف مدنى لقيت انها بدات نتنتعش تانى بعد الازمه العالميه ودا هايولد وظائف كتير لمدنى بس المللاحظ ان رواتب مدنى اقل مقارنه بالاقسام الاخرى وان كان مدنى يتميز بعدم المغالاه فى طلب الخبرهى الا طبعا فى الشركات العاليه اوى  بس الى انا متاكد منه ان نسبه كبيره من دفعتنا هاتشتغل بس فى حاجات مع تقدم السنوات هاتعمل  ضغط على وظائف مدنى مثل المعاهد الخاصه الى كترت جدا  وكمان ان فيه بعض الفنيين وخريجى كليات تانيه بياخدوا شغل الرسم من بعض المهندسين المدنى مما يحولهم للضغط  على مهندسى التنفيذ وكمان ان ظروف شغل مدنى فى الشمس كخليخج صعبه اوى عشان  الحر جامد جداخاصه فى الكويت والسعوديه  فيه مشاريع اعمار جديده فى العراق وغزه هاتفتح افاق جديده استثمارات سمعت عليها فى السعوديه قريب بمليارات الدورارات انا  واثق ان بس المشروع الجديد بتاع مدينه الملك عبد الله ممكن يشغل دفع مد نى المصريه كلها اخر حاجه بالنسبه للخلايجه فالوقتى باه منهم مهندسين مدنى على اعلى مستوى وبيدوهم منح بره يعنى اعلى منك وهاياخدوا رواتب عنك وطبعا دى بلدهم يعنى هايضغطوا على الوظائف المتاحه ب س انا متفائل يعنى بمستقبل مدنى عموماااااااااااااااااا................

_________________
إذا لم يوافق الواقعُ النظريةَ، غيِّر الواقع............كلما اقتربت القوانين من الواقع أصبحت غير ثابتة، وكلما اقتربت من الثبات أصبحت غير واقعية..........من لم يخطئ، لم يجرب شيئاً جديداً........الجنون هو أن تفعل الشيء مرةً بعد مرةٍ وتتوقع نتيجةً مختلفةً......الشيئان الذان ليس لهما حدود، الكون و غباء الإنسان.......اينشتاين

adawy_2050
مشرف عام
مشرف عام

عدد الرسائل : 355
العمر : 28
البلد : مصر الدقهليه طلخا العرب الشارع العمومى بجوار الشكمه
الهوايات : الكلام على الفاضى والمليان
العمل : لسه ما قررتش
مستوي النشاط في المنتدي : 706
تاريخ التسجيل : 02/05/2008

http://www.saveegyptfront.org

الرجوع الى أعلى الصفحة اذهب الى الأسفل

عاجل رد: مشكلة التدريب الى اين ؟؟؟؟؟؟؟؟؟؟؟؟؟؟؟

مُساهمة من طرف احمدمنصور في الثلاثاء يونيو 23, 2009 9:16 pm

بارك الله فيك ياأخى كلامك جميل ومقنع وفعلا الناس محتاجة اللى ينفس كربها وشكرا أخى الكريم

احمدمنصور
دفعة 2010
دفعة 2010

عدد الرسائل : 167
العمر : 28
البلد : بلدى اجمل جميلة بعيون سودة وكحيلة بلدى كريمة واصيلة لو دق ابوابها مين
الهوايات : بحب بلدى
العمل : مهندس مدنى
مستوي النشاط في المنتدي : 328
تاريخ التسجيل : 24/03/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى